Tar il pass da cumplettaziun 2035 duajan dus projects novs vegnir vitiers. Quai ha il cussegl naziunal decis cun 150 cunter 36 vuschs. Ina maioritad da la Partida liberaldemocratica ed intgins commembers da la Partida populara han vuschà cunter.
Ils dus projects novs na sajan anc betg elavurads avunda. Ins na veglia betg bloccar ils projects, sulet spustar els sin il pass da cumplettaziun 2040. La gronda part dal parlament è dentant suandada la proposta da la cumissiun dal parlament. Sco proxim decida anc ina giada il Cussegl dals chantuns.
Rait da viafier è a la limita
Per engrondir las duas staziuns a Winterthur e Thun discurran sur tut prognosas che predin che la populaziun e las plazzas da lavur a quels dus lieus duain crescher considerablamain. Quai pretendia er dapli dal traffic public, ha argumentà la cumissiun. I saja impurtant dad engrondir la rait da viafier en Svizra per pudair stabilisar l'urari.
RR novitads 11:00