Siglir tar il cuntegn

Header

Purtret da stivals tipics per neonazis.
Legenda: Stivals tipics per ils neonazis. Maletg simbolic. Keystone
cuntegn

Svizra Pass giuridics suenter concert da neonazis

La fundaziun GRA cunter rassissem ed antisemitissem ha inoltrà ina denunzia penala cunter l'organisatur dal concert da rock da radicals da la dretga ad Unterwasser da la fin d’emna passada.

Era cunter las bands ch'han sunà al concert è vegni inoltrà ina denunzia penala pervi d’avair cuntrafatg a la lescha da rassissem.

Ad Unterwasser en il Toggenburg chantun da Son Gagl eran sa radunads la fin d’emna radund 5'000 persunas per in concert da neonazis suspectads. I duai esser stà in dals pli gronds events da neonazis ch'ha insumma gì lieu en Svizra.

La vischnanca che aveva lubì l'occurenza e la polizia eran stads surprendids da tantas persunas. La polizia saveva dad in'occurenza che duai avair lieu en la regiun. Il lieu exact era dentant vegnì midà la davosa minuta dad Ulm ad Unterwasser.

RR novitads 12:00

Artitgels legids il pli savens

Scrollar a sanestra Scrollar a dretga