Siglir tar il cuntegn
Inhalt

Svizra Passa 1 milliarda per l’UBS

La banca gronda UBS ha fatg in gudogn da 1,113 milliardas francs il segund quartal dal 2016. Analists avevan fatg quint cun damain.

UBS
Legenda: Avant in onn aveva il gudogn da l'UBS anc muntà ad 1,2 milliardas francs. Keystone

Avant in onn aveva il gudogn muntà ad 1,2 milliardas, il quartal avant a 707 milliuns. En l’administraziun da facultad internaziunala ha la banca survegnì da sentir las retegnientschas dals clients pervia da la malsegirezza economica e politica, communitgescha l’UBS. Il gudogn avant la deducziun da taglia è sa reducì sin 518 milliuns francs, cumpareglià cun ils 756 milliuns dal quartal avant.

UBS quinta cun custs creschents

Er tar l'investment banking è il gudogn sa sminuì da 551 milliuns sin 284 milliuns francs. Ils custs eran però per 114 milliuns pli bass. L'UBS haja cuntanschì la finamira da spargn annunziada da 1,4 milliardas francs, scriva la banca. Cunquai ch'ils standarts svizzers da chapital èn daventads pli severs, quinta l'UBS cun custs creschents.

RR novitads 07:00