S'augmentads fermamain èn ils concurs en la Svizra sidoccidentala cun in plus da 21%. Il Tessin ha nudà in augment da 6%, Turitg in plus da 4% e la Svizra orientala in augment da 3%. Sa reducids èn ils concurs sulet en l'Espace Mittelland (-11%) ed en la Svizra centrala (-7%). L'analisa dals concurs mussa che firmas giuvnas han in pli grond ristg d'in concurs. Interpresas cun ina vegliadetga fin 5 onns fan ora 31% dal total da concurs.
Il Grischun ha damain insolvenzas
Dal schaner fin il zercladur ha il chantun Grischun nudà 62 concurs d'interpresas. L'onn 2015 era quai 86 uschia ch'il Grischun ha quasi in tschintgavel damain concurs.
Fundà firmas novas
Il dumber da novas fundaziuns d'interpresas è s'augmentà sin 21'158. Envers ils emprims sis mais dal 2015, cun 20'712 èn quai 2% dapli. Il Grischun ha registrà l'emprima mesadad da l'onn 538 fundaziuns da firmas novas, l'onn passà era quai 476.
RR novitads 10:00