Siglir tar il cuntegn

Header

cuntegn

Svizra Passa 30% pli pauc immigrants l'emprim quartal

L'immigraziun en Svizra è sa reducida ils emprims trais mais da l'onn per passa 30% cumpareglià cun l'emprim quartal da l'onn passà.

Legenda:
Novas immigraziuns en Svizra: Cliccar sin ils onns per activar e deactivar las lingias per cumparegliar las immigraziuns da differents onns. Immigraziuns novas (populaziun permanenta) / Immigraziun = immigraziun effectiva + midada ord domena d'asil + augment da midada da status Cifras da l'Uffizi federal da satatistica (2012-2016)

D'ina vart èn pli paucas persunas immigradas, da l'autra vart han pli bleras bandunà la Svizra. Dal schaner fin il mars èn passa 32'000 persunas ord ils stadis da l'UE e da l'EFTA immigradas en Svizra per lavurar, quai communitgescha il Secretariat da stadi per la migraziun.

broschura per novs immigrants cun si "welcome to Switzerland"
Legenda: L'emprim quartal dal 2016 èn passa 30% pli pauc persunas immigradas en Svizra. Keystone

La fin da mars han vivì en Svizra passa 2 milliuns persunas estras. Da questas èn 1,4 milliuns burgais da stadis da l'UE e da l'EFTA.

Tenor il Secretariat da stadi per la migraziun è la situaziun economica malguessa en Svizra il motiv principal che pli pauca glieud immigrescha.

RR novitads 10:00

audio
Mezdi: Pli pitschna immigraziun en Svizra
ord Actualitad dals 19.04.2016.
laschar ir. Durada: 1 minuta 46 Secundas.

Artitgels legids il pli savens