Siglir tar il cuntegn

Header

cuntegn

Passà nagin tema pli Stefan Blättler vul naginas refurmas tar la procura publica

Dapi bunamain quatter mais è il nov procuratur public Stefan Blättler en uffizi. En sia lavur sa concentreschia el sin il cumbat dad organisaziuns criminalas, lavada da daners, terrur e crims da guerra, sco el ha ditg oz davant las medias a Berna.

«Affera Lauber» giud maisa

Nagin tema na sajan ils virivaris ch’i haja dà tar la procura publica durant che ses antecessur Michael Lauber saja stà en uffizi. Uschia ha Stefan Blättler accentuà, ch’i na dovria naginas refurmas tar la procura publica.

Il passà n'è betg in tema pli.
Autur: Stefan Blättler procuratur public general

Quai ha el ditg il venderdi avant las medias a Berna. Per l'anteriur procuratur public han ils inscunters informals cun il schef da la Fifa Gianni Infantino gì consequenzas fatalas. Suenter gronda pressiun ha el sa retratg mez 2020. Blättler veglia guardar en l'avegnir. El na veglia betg dir insatge areguard ils process ch'el na saja betg involvids.

Ord l'archiv

video
Stefan Blättler daventa nov procuratur public general
Or da Tagesschau dals 28.09.2021.
laschar ir. Durada: 2 minutas 34 Secundas.

RTR novitads 12:00

Artitgels legids il pli savens