Siglir tar il cuntegn

Svizra Passagiers duain survegnir indemnisaziuns tar retard

Il Cussegl federal vul ch'il traffic public stoppia pajar indemnisaziuns tar lungs retards u cura che curs crodan. Tar in retard dad in'ura duain quai esser 25% dal pretsch. Davent da duas uras fissan quai lura 50%. Tgi che ha in abunament general na survegn nagina indemnisaziun.

Purtret d'in bus ed in tram che sa cruschan a Berna.
Legenda: Questa nova lescha valess per tut il traffic public. Keystone

Tenor la proposta avessan passagiers era la pussaivladad da n'insumma betg far il viadi u d'interrumper quel sch'i na fetschia pli nagin senn pervi dal retard. Tgi che manchentia per exempel in discurs da preschentaziun en in'autra citad, sappia pretender enavos ils custs entirs.

En la lescha existenta èn ils transports publics mo responsabels per donns che capitan tras manchentar l'ultima colliaziun. Intginas interpresas repartan en da quests cas voluntarmain uschenumnads "Sorry-Bons". Il dretg da survegnir insatge n'exista betg. Cun la proposta d'indemnisaziun valess en Svizra en il futur sumegliantas reglas sco gia en l'UE.

RR novitads 12:00