Il studi mussa ch'ils passagiers han in'influenza sin la moda da charrar da giuvens. Sche giuvenils da la medema vegliadetgna sesan en l'auto, van ils giuvens cun dapli ristg. Quai croda si il pli fitg tar umens giuvens, ma er tar las dunnas datti il medem effect.
Passagiers feminins influenzeschan dentant positiv il sa cuntegnair dad umens giuvens. Lura charreschan els pli precaut. Er passagiers pli vegls han ina bun'influenza sin automobilists giuvens. Pli vegls ch'ins vegn e pli pauc ch'ins sa laschia lura influenzar dals passagiers.
Pli pauc telefonin ma dapli discurs
Automobilists ch'han passagiers cun els sa laschan influenzar pli pauc da telefonins, dentant pon discurs cun ils passagiers er esser in ristg. Il temp da reagir vegn pli lung. Dentant po il passagier interrumper il discurs en situaziuns criticas. La persuna vid il telefon na po betg pigliar resguard sin il traffic.
Sensibilisar scolars d'ir cun auto
Perquai che sur tut automobilists giuvens sa laschan influenzar dals passagiers, cusseglia il BFU da tematisar quai cun ils scolars d'ir cun auto. Dal privel da vegnir influenzà dals passagiers n'èn ils giuvens betg uschè pertscherts sco dal privel da duvrar telefonins durant charrar.
RR novitads 10:00