Siglir tar il cuntegn

Svizra Passagiers senza bigliet vegnan registrads

A partir dal prim da schaner 2016 vegnan persunas che nizzegian la viafier ed ils bus senza ina bigliet, nudadas en in register central. Il Cussegl federal ha mess en vigur ina revisiun da lescha che dat questa pussaivladad a las interpresas dal traffic public.

Conductura contollescha ils bigliets dals passagiers da tren.
Legenda: Grazia al nov register duain delinquents per disa vegnir tschiffads e chastiads pli fitg. Keystone

Las datas registradas ston dentant vegnir stizzadas suenter dus onns sch'ils bigliets èn vegnids pajads e sch'il viagiatur senza bigliet n'è betg vegnì tschiffà danovamain. Grazia a quest register duain delinquents per disa vegnir tschiffads e chastiads pli fitg.

RR novitads 18:00