Siglir tar il cuntegn

Header

cuntegn

Svizra Passape, passavelo?

Uffants enfin 10 onns duain en il futur pudair charrar cun il velo sin il passape. Quai per motivs da segirtad.

L'Uffizi federal da vias ASTRA vul lubir ad uffants enfin diesch onns da far adiever dal passape, sch'i n'ha nagina via da velos. Quai per motivs da segirezza, ha il pledader da l’uffizi Thomas Rohrbach argumentà envers Radio SRF. La Confederaziun è vi d'elavurar il reglament correspundent.

Plinavant vul l'Uffizi federal da vias pussibilitar a ciclists dad ir a dretga cura che la glisch è cotschna. En Basilea è in project d'emprova ì a fin il 2016 senza accidents. Il project d'emprova ha durà 12 onns ed ils tests han ins fatg sin 12 cruschadas.Il pledader da l'uffizi ha commentà il project da pilot sco success.

Questas duas novas reglas per ciclists fan part d'in pachet da mesiras che duai ir en consultaziun l'auter onn. Avant la consultaziun vul l'Uffizi federal da vias dentant anc udir l'avis d'organisaziuns.

RR novitads 08:30

Artitgels legids il pli savens