Tar in sgol da trenament per in'occurrenza en l'Ollanda il 2016 eran dus aviuns Tiger da la Patrouille Suisse collidads. Il pilot uss sentenzià ha pudì sa salvar cun il sez catapultabel, al segund pilot èsi gartegià d'atterrar cun ses aviun.
Il pilot da 37 onns è culpant d'avair malduvrà imprudent e sfarlattà material. La sentenzia da la dretgira militara ad Aarau munta ad in chasti pecuniar cundiziunà da trais taxas per di à 160 francs, pia total 480 francs. L'accusader ha cumplanschì che la Patrouille Suisse na haja mai lavurà si l'accident. Autras renfatschas sco ch'il pilot haja violà l'obligaziun da servetsch n'ha la dretgira militara betg laschà valair.