Siglir tar il cuntegn

Header

cuntegn

Svizra Patti Basler vegn undrada cun il «Salzburger Stier»

La cabarettista Patti Basler vegn undrada cun il «Salzburger Stier 2019». Quai ha communitgà la giuria dal premi d’art pitschen renumà.

Patti Basler ha 42 onns ed è creschida si sin in bain puril a Fricktal. Ella è oriundamain scolasta, pli tard lura daventada slammadra, cabarettista ed autura. Gia dapi nov onns è ella sin tribuna.

En ses emprim program «Frontalunterricht» ha ella fatg beffas davart il sistem da scola da la Svizra. Il 2019 cumpara ses segund program, che sa numna «Nachsitzen». E questa stad ha ella resumà pliras emissiuns dad «Arena» en furma da protocols umoristics.

La surdada è ils 10 ed 11 da matg da l’auter onn a Meran. Ils victurs preschentan ultra da quai extracts da lur programs actuals.

Salzburger Stier

Avrir la box Serrar la box

Il premi vegn surdà dapi il 1982 a cabarettists da la Svizra, la Germania e l’Austria. El è dotà cun 6'000 euros. Diesch staziun da radio collavuran latiers stretgamain.

RR novitads 08:00

Artitgels legids il pli savens