Svizra - Pauc gust d'infurmaziuns e bassa fidanza

Areguard temas politics na s'infurmeschan giuvens betg mo pli pauc ma els han era in problem da fidanza.

audio

Saira: easyvote – fake news e fidanza

03:36 min, ord Actualitad dals 09.04.2018.

laschar ir. Durada: 3 minutas 36 Secundas.

Surtut las medias han ina posiziun difficila: tar temas politics sa fidan ils giuvenils il pli pauc da schurnalists. La fidanza en schurnalists è tar 17 % entant che quella en il Cussegl federal è tar passa 50 %. Dentant vul la giuventetgna infurmaziuns e quellas duain esser neutralas.

La furmaziun politica resta impurtanta per giuvens e giuvnas. Quai mussa il studi. E atgnamain saja l’interess era qua, dentant va quel enavos en tut las tematicas.

Plitost l’interess per la politica svizra vegn adina pli pitschna. Quest è gia il terz onn che quel sa diminuescha. Pli grond è quel per la politica da l’exteriur. Tematicas sco l’elecziun dal president american.

Maletg 1 / 3

Legenda: Interess per politica svizra L'interess da giuvnas e giuvens en la politica svizra è sa sminuì marcantamain. Entant che 56% s'interessavan il 2014, èsi l'atun da l'onn passà stà 51% che na s'interessan betg per la politica svizra. gfs.bern / grafica RTR

Maletg 2 / 3

Legenda: Tantas giadas van giuvens per infurmaziuns politicas: La cumpart da giuvnas e giuvens che va mai u main ch'ina giada l'emna per infurmaziuns politicas è creschida da 29% a 40% dal 2014 fin al 2017. gfs.bern / RTR grafica

Maletg 3 / 3

Legenda: Confidenza tschessa: Giuvens e giuvnas che vulan infurmaziuns sa fidan pli e pli pauc da las funtaunas tradiziunalas – I na sa fidan betg che las funtaunas sajan neutralas. gfs.bern / RTR grafica

RR novitads 17:00