Pauca speranza sin Nadal cun naiv

Las schanzas ch'i dat quest onn Nadal alv èn pitschnas. Fin ussa èn tut ils culms sut 2'000 meters anc verds. Tenor il servetsch da l'aura meteonews saja la probabilitad ch'i dat naiv da Nadal sin 5%.

Datti almain in zichel naiv per far in pitschen um da naiv? Bild in Lightbox öffnen.

Legenda da maletgs: Nadal senza Naiv? U datti almain in zichel naiv per far in pitschen um da naiv? Keystone

I smanatscha in temp da Nadal senza naiv. En l’entir Grischun èsi quasi anc verd il mument. La naiv lascha spetgar e pli ditg che la naiv lascha spetgar e pli fitg ch'ins sa damonda: 'Cura vegn la naiv finalmain?'.

La culpa che nus stuain spetga uschè ditg è in aut stabil dapi l'entschatta december. En bleras regiuns hai dà dapi l'entschatta december insumma naginas precipitaziuns uschia ch'il mais è memia sitg. Cunquai che las temperaturas èn bassas datti per ils skiunzs almain naiv artifiziala.

Lais schelads en il Grischun

Patinadras e patinaders pon dentant sa legrar. Singuls lais èn gia schelads ed ins po là patinar. Per Exempel sin il lai ad Arosa. La cuverta da glatsch è grossa avunda per giudair in pèr uras sin il glatsch. En Engiadina è il Lago Bianco bain schelà, patinar pon ins dentant anc betg.