Siglir tar il cuntegn

Header

cuntegn

Svizra Paucas interrupziuns d'electricitad

En Svizra datti darar interrupziuns da la forza electrica. L'onn passà è l'electricitad crudada ora durant 22 minutas per persuna. Quai mussa la statisica da la Elcom, la cumissiun federala per electricitad. 9 da questas minutas èn stadas interrupziuns planisadas.

La raschun principala èn interrupziuns pervia da urizis, stemprads u era animals che donnegian las lingias. I dat dentant era interrupziuns planisadas per mantegnair l'infrastructura.

Sfidas da l’avegnir

Cunquai che la Svizra planisescha pass per pass da tschentar giu las ovras atomaras, survegnia il commerci d’electricitad sur cunfins ina pli gronda muntada. Quai ha il president da la Elcom, Carlo Schmid, accentuà a la conferenza annuala a Berna. Sper promover energias alternativas stoppia la Svizra era importar dapli electricitad e là dettia ristgs:

- I po capitar ch’i dat memia pauca electricitad exact cura che la Svizra duvrass dapli (p.ex. l’enviern)

- Il transport da l’electricitad sto esser garantì (p.ex. lingias d’auta tensiun nord-sid da l’Europa)

- Las cuvegnas cun l’Uniun Europeica davart l’electricitad ston anc vegnir scleridas

RR novitads 15:00

Artitgels legids il pli savens