Mo 17,2% dals emprendist da la Confederaziun surprendan suenter il temp d'emprendissadi ina plazza fixa. Sur tut las branschas vegnan 30-40% dals emprendists surpigliads sco collavuraturs.
L'onn avant eran anc 20,8% dals emprendists restads. La reducziun saja «remartgabla» hai num en il rapport da persunal.
Nagin interess
A basa d'investigaziuns hajan ins constatà che blers emprendists veglian suenter l'emprendissadi nagin engaschament fix. Ils giuvenils sajan interessads da far ina scolaziun supplementara u da rimnar experientschas en in auter lieu.
L'Uffizi federal da persunal veglia tenor la gasetta «Schweiz am Wochenende» sclerir ils motivs per la mancanza d'interess. Pir lura possian ins prender mesiras.
Lunsch davent da la finamira
La finamira dal Cussegl federal è che 30-40% dals emprendists restia tar la Confederaziun. Il pli manaivel a la quota da finamira èn ins stà il 2013 cun 28,3%.
RR novitads 10:00