Siglir tar il cuntegn

Header

Navigaziun

Chartas da cassas da malsauns.
Legenda: Tar assicuranzas u bancas metta la populaziun svizra sin constanza. Be tar las cassas da malsauns han 25% inditgà da vulair midar. Keystone
cuntegn

Paucs experiments En Svizra na vegn betg midà savens assicuranza u banca

Tenor ina retschertga dal portal da cumparegliaziun Moneyland pondereschan sulettamain 15% da midar l’assicuranza da mobigliar u la protecziun giuridica. Damain che 10% vulan midar la cassa da pensiun u la terza pitga.

Il pli savens vegn midà la cassa da malsauns

Tar las cassas da malsauns han in quart da las persunas dumandadas inditgà ch’ellas vegnian probabel a midar il purschider entaifer ils proxims onns. Percunter han ins constatà che Romands midan pli savens che persunas da la Svizra tudestga. En Svizra franzosa ponderescha dapli ch'in terz da midar la cassa da malsauns.

Enquista Moneyland

Personen-Box aufklappenPersonen-Box zuklappen

Il portal da cumparegliaziun Moneyland è ina fatschenta Svizra independenta e fa retschertgas online per bancas, assicuranzas e telecommunicaziun. Tar questa retschertga han els dumandà 1'500 persunas e valità lur respostas.

RR novitads 12:00