Pazienza al Gottard

Er questa fin d'emna dovri pazienza davant il tunnel dal Gottard en omaduas direcziuns. Sonda da mezdi muntava la colonna tranter Biasca ed Airolo en direcziun nord 11 kilometers.

Colonnas. Bild in Lightbox öffnen.

Legenda da maletgs: Er questa fin d'emna dovri pazienza al Gottard. Viasuisse

En direcziun nord tranter Biasca ed Airolo datti actualmain colonnas da 11 kilometers. Il temp da spetga munta a pass duas uras. Quai ha communitgà il servetsch da traffic «Viasuisse».

Er davant il portal nord tranter Erstfeld e Göschenen è la colonna actualmain 4 kilometers lunga. Il temp da spetga munta a radund 20 minutas. Da mezdi era ella anc 8 kilometers lunga.

RR novitads 14:00