Sche la partida burgais-democratica perdess però sia forza sco fracziun en il parlament, avess'ins lura ina nova situaziun. Quai ha ditg il cusseglier naziunal da Glaruna en la «Samstagsrundschauۚ» da radio SRF. Ins veglia vinavant esser decisiv en il parlament.
Il fundatur da la PBD, Hans Grunder aveva il favrer anc proponì da fusiunar cun ils Verd-liberals.
Er Verd-liberals na vulan betg
Il president dals Verd-liberals, Jürg Grossen ha er ditg a l'agentura da novitads svizra ch'el prefereschia la cuntrada da las partidas pli fragmentada. Cun quai ha el er snegà ch'i dettia discussiuns davart in'allianza tranter ils Verd-liberals, la PBD e la PCD ad ina nova partida entamez.
Collavuraziun gea – fusiun na
Ina colliaziun da las glistas, sco quai ch'i dettia gia en blers chantuns sustegna Grossen. Ina fusiun dentant betg. La populaziun profiteschia pli fitg dad allianzas e collavuraziuns tut tenor tema e betg cun fusiuns. Plinavant ha el er argumentà cun las differenzas da las partidas tar ils temas politics dal traffic e l'agricultura.
RR novitads 16:00