PCD duai puspè survegnir piz e chantuns

La partida cristiandemocratica PCD duai puspè provocar dapli. Da quest avis è il president da la partida Gerhard Pfister. Il center politic duai puspè mussar dapli chantuns. Plinavant decida ella la parola «na» per l'iniziativa per sortir l'energia nuclara.

Purtret d'ina stgatla ed in maun che plazzescha il cedel da votar lien. Bild in Lightbox öffnen.

Legenda da maletgs: La PCD decida da betg sustegnair l'iniziativa da sortir l'energia nucleara. Keystone

Ils delegads da la PCD èn cunter l’iniziativa per la sortida da l’energia nucleara. La durada limitada da manaschi ch’ins vul avair per las ovras nuclearas svizras saja arbitrara, ha i gì num. Plinavant smanatschian pretensiuns d’indemnisaziun e l’electricitad che manca, vegnia cumpensada cun electricitad malnetta da l’ester.

L’iniziativa per la sortida da l’energia nucleara dals verds vul ina durada maximala da 45 onns per las ovras svizras. Quai vul dir ch’ils reacturs da Beznau I e II e Mühleberg vegnissan serrads giu l’onn che vegn. Quai sche l’iniziativa vegn acceptada ils 27 da november.

Purtret da Gerhard Pfister, davant in pult da pledader. Avrir maletg en lightbox.

Legenda da maletgs: Gerhard Pfister, durant ses pled a l'assamblea da delegads a Morschach. Keystone

Il president vul dapli profil per sia partida

Senza opposiziun na dettia nagina visibilitad e nagin profil. Ina partida haja be success sch’ella haja adversaris. Il center stoppia pigliar posiziun che na consistia betg mo da commentar quai che vegnia da dretg e sanester. La PCD stoppia puspè daventar ina atgna forza che fetschia propostae e che porschia ina atgna visiun d'ina Svizra che ha success.

Pfister s'interessescha pli fitg per critica che per cumpliments. Cumpliments faschaian bain, ma la critica fetschia meglier la partida. Latiers s'audia era la critica vid el sez suenter las elecziuns a Basilera ed en l'Argovia nua che la PCD ha pers sez en il parlament.

RR novitads 12:00