Svizra - PCD: Las candidatas vegnan a pled

Viola Amherd

Dapi il 2005 sesa Viola Amherd per il chantun Vallais en il Cussegl naziunal. L'anteriura presidenta da la citad da Brig ed advocata è commembra da la cumissiun per traffic e telecommunicaziun sco er da la cumissiun per dumondas da dretg. Plinavant è ella dapi il 2011 vicepresidenta da la fracziun cristiandemocratica en Chasa federala.

Peter Hegglin

Il politicher da Zug da 57 onns ha tenor atgnas indicaziuns dasper la politica da finanzas, era interess vi da tematicas da la sanadad e da l’economia publica. Peter Hegglin è cusseglier dals chantuns. Avant è el stà 13 onns directur da finanzas dal chantun Zug.

Heidi Z'graggen

La dunna da 52 onns ha 14 onns experientscha en l'executiva: Ella è dapi il 2004 en la regenza dal chantun Uri, dal 2014 fin il 2016 sco presidenta da la regenza. Dal 2000 fin il 2005 è ella stada presidenta da la PCD dal chantun Uri. Z'graggen ha studegià politologia a Berna.

Elisabeth Schneider-Schneiter

Schneider-Schneiter è dapi il 2010 en il Cussegl naziunal. Il 2015 è ella vegnida reelegida per pauc. Il mument è ella la presidenta da la cumissiun per affars da la politica exteriura en il Cussegl naziunal. Ella fa er part dal presidi da la PCD da la Svizra.

Maletg 1 / 4

Legenda: Viola Amherd La valesana ha bunas schanzas da daventar la successura da Doris Leuthard: Co rapreschentanta dals chantuns da muntogna, co dunna e coo persuna cun blera experientscha. Keystone

Maletg 2 / 4

Legenda: Petter Hegglin Pli baud era el pur, suenter Cusseglier guvernativ ed uss Cusseglier dals stadis. Tgi sa sche el daventa era Cusseglier federal? Keystone

Maletg 3 / 4

Legenda: Elisabeth Schneider-Schneiter La dunna da 54 onns da Basilea-Champagna ha mustgas per il sez en il CUssegl federal. Keystone

Maletg 4 / 4

Legenda: Heidi Z'graggen 14 onns experientscha en l'executiva ha Heidi Z'graggen. Dentant mantga ad ella l'experienza a Berna. Dentant co Cussegliera federala pudess ella era ramassar quella. Keystone

RR actualitad 12:00