Siglir tar il cuntegn
Inhalt

Svizra PCD sustegna segund sez da PPS

Il president da la Partida cristiandemocratica, Christoph Darbellay, porta moviment en las discussiuns davart la repartiziun dals sezs dal Cussegl federal. Tuttenina ha el dubis ch’il center politic possia pretender in segund sez.

Christoph Darbellay, il president da la PCD.
Legenda: Christoph Darbellay, il president da la PCD. Keystone

Percunter vesa Darbellay uss in segund sez da la Partida populara en il Cussegl federal sco legitim. Per quai stoppia la PPS dentant era preschentar in candidat constructiv e collegial. Quai ha el ditg a la gasetta «Le Matin Dimanche».

Plinavant ha Darbellay mussà ses dubis, sch’il center politic possia responsar in mandat dubel. La pretensiun da la PPS per in segund sez en il Cussegl federal saja il resultat da las elecziuns dals 18 d’october.

Center politic sto vegnir pli stabils per segund sez en Cussegl federal

Il center stoppia dar a sasez ina structura stabila durant ils proxims onns. Mo uschia fiss quai pussaivel da reclamar in segund sez dal center en la regenza, uschia Darbellay. Sche quai gartegia, lura sa preschentia la dumonda da la repartiziun dals sez en il Cussegl federal puspè da nov. En quest cas fiss la Partida liberaldemocratica tenor ses avis surrepreschentada.

Sustegn per Widmer-Schlumpf anc betg sclerì

Sche la cussegliera federala Eveline Widmer-Schlumpf candideschia anc ina giada, alura vegnia la fracziun da la PCD a decider la fin november, sch’els sustegnian ella u betg.

RR novitads 09:00