La PCD svizra vul separar la decisiun da principi davart la cumpra da novs aviuns militars e la nova defensiun da l'aria. Quai ha confermà il president Gerhard Pfister envers la Tagesschau da SRF. Colliar las duas chaussas saja in grond ristg e la cumpra da novs aviuns militars pudess danovamain far naufragi, uschia Pfister.
Il presidi da la partida saja sa cunvegnì da betg sustegnair il pachet da la defensiun en l'aria «Air 2030» en la furma actuala. 8 milliardas francs per l'entir pachet sajan memia bler.
RR novitads 12:00
