Siglir tar il cuntegn

Header

Navigaziun

Gerhard Pfister.
Legenda: Cun sia politica dal maun offert vegnia la PCD a gudagnar las elecziuns, quai ha ditg il president dals cristandemocrats, Gerhard Pfister, avant ils delegads da la partida. Keystone
cuntegn

Svizra PCD vul gudagnar elecziuns cun politica dal maun offert

La PCD Svizra parta en il cumbat electoral. A Turitg fa la partida cristiandemocratica sia radunanza da delegadas e delegads. Il president da partida, Gerhard Pfister, ha declerà ch'il 2019 saja l'onn da la concordanza e coesiun.

Il president dals cristandemocrats, Gerhard Pfister, ha declerà l'onn d'elecziun sco onn da la concordanza e coesiun. La PCD saja la partida che s'engaschia per las valurs necessarias per la coesiun.

«La PCD tegna ensemen la Svizra»
Autur: Gerhard PfisterPresident PCD da la Svizra

Nua ch'ins guardia en Svizra ed er en il mund, la veglia per il spiert da cuminanza, la veglia da colliar libertad e solidaritad enstagl d'opponer in a l'auter prendia giu, ha ditg Pfister. La PCD percunter saja dentant la partida che s'engaschia gist per questas valurs necessarias. Ins na dastgia betg emblidar ch'il success economic e la stabilitad da la Svizra sa basia sin questas valurs.

Plinavant han las delegadas ed ils delegads decidì la parola GEA a la revisiun da l'AVS e la refurma fiscala cun 221 cunter 16 vuschs che vegn votada ils 19 da matg 2019.

RR novitads 12:00