Auter che las pendicularas en la Bassa han quellas dal Grischun scrit bunas cifras cumpareglià cun ils davos onns. Il Grischun po schizunt augmentar il dumber da persunas sin pista levet il schaner 2022. I ha dà 2% dapli persunas e schizunt 12% dapli svieuta cumpareglià cun la media dals davos tschintg onns. Quai rapporta l'organisaziun tetgala Pendicularas Svizra.
Cunzunt destinaziuns en ils auts, e talas cun bunas pistas grazia a naiv artifiziala profiteschan l'enviern actual. Uschia la bilantscha da Pendicularas Svizra.
Auter èsi en la Bassa
Pendicularas en regiuns en la Bassa han dentant fatg main svieuta e gì main persunas. Excepziunalmain fitg hai tutgà l'artg dal Giura. Là hai dà 76% pli pauc persunas e 65% pli pauca svieuta, cumpareglià cun la media dals davos tschintg onns.
Il Vallais ha dentant anc scrit meglras cifras ch'il Grischun, e gì 10% dapli persunas. En l'entira Svizra è la svieuta s'augmentada per 4%, dentant hai dà 6% pli pauc persunas sin pista.
