Il discounter Lidl ha augmentà la paja minimala da ses emploiads en Svizra. Suenter discurs da paja cun ils partenaris socials haja Lidl decis d’augmentar la paja minimala per 6,2%. Quai ha communitgà l’interpresa.
Da nov survegnan emploiads
- senza emprendissadi 4’360 francs per mais, u 24,50 francs per ura.
- cun emprendissadi da dus onns 4'400 francs, u 24,70 francs per ura.
- cun emprendissadi da trais onns 4'500 francs, u 25,30 francs per ura.
La summa da las pajas totala augmenta Lidl per 1,5%. Cun questa mesira veglia “Lidl Svizra” engraziar als emploiads per lur engaschi durant la crisa da corona. Els hajan prestà durant quest temp ademplì ina prestaziun maximala e demussà in spiert da gruppa unic.
Ord l'archiv
La filiala dal grossist Lidl a Schluein dovra da nov inscripziuns rumantschas per localisar las partiziuns dals products.
audio
Bunura: Inscripziuns rumantschas en il Lidl – Suondan er autras stizuns?
ord Actualitad dals 31.03.2017.
laschar ir. Durada: 2 minutas 27 Secundas.