Ils chantuns vulan dapli daners per sustegnair interpresas durant la crisa da corona. La Confederaziun ha previs 200 milliuns francs per cas da direzza. Quai saja memia pauc, din uss intgins chantuns.
Berna, Lucerna e Zug han gia annunzià lur dubis a la Confederaziun. Ils 200 milliuns na tanschian strusch per far frunt a las consequenzas da la pandemia, hai num da Lucerna. La regenza da Zug pretenda quatter giadas uschè bler. Las pretensiuns da Berna èn anc pli autas – almain ina milliarda francs, uschia la regenza chantunala. Sco cas da direzza valan interpresas ch’han pers pervia da la pandemia dapli che 60% da lur svieuta.