Siglir tar il cuntegn

Header

cuntegn

Per cumbatter terrorissem Nova lescha davart datas da passagiers da sgol

Davent il 2026 duai la fedpol – l'Uffizi federal da polizia – pudair nizzegiar tschertas datas da passagiers da sgol per cumbatter terrorissem e criminalitad greva. Tenor il cusseglier federal Beat Jans reglescha la nova lescha tge datas che societads da sgol svizras e da l'exteriur pon vegnir surdadas a las autoritads.

Tge datas dastga la fedpol nizzigiar?

Avrir la box Serrar la box
  • num
  • datas da contact
  • ruta da viagiar
  • modalitads da pajament
Der Bundesrat verabschiedet die Botschaft zum Flugpassagierdatengesetz.
Legenda: Adina plirs pajas pretendan er d'auters stadis da dar access a datas da passagiers da sgol (PNR) per dastgar prender part al traffic aviatic internaziunal. Keystone

Grazia la nova lescha po la Svizra endrizzar in sistem naziunal «PNR» – Passenger Name Records – e simplifitgar la lavur da las autoritads da persecuziun penala. En cas ch'i exista in cumond d'arrestaziun tar ina persuna, vegn quai er signalisà sin la glista da passagiers. Uschia possian las autoritads responsablas vegnir admonidas pli spert – avant ch'il passagier è partì.

Senza l'introducziun dal sistem «PNR» pudess la Svizra tenor la communicaziun daventar ina pussaivladad da scappar en l'Europa. Persunas criminalas pudessan sgular en Svizra e continuar lur viadi en pajas da l'Europa per via terrestra – uschia mitschassan ellas pli simpel ils «PNR» sistems existens dal territori da Schengen.

audio
Beat Jans declara l'impurtanza da la lescha
ord RTR Audio dals 15.05.2024. Maletg: Keystone
laschar ir. Durada: 21 Secundas.

RTR novitads 16:00

Artitgels legids il pli savens