Siglir tar il cuntegn

Svizra Per ils emploiads è la chargia da lavur in problem

En Svizra èn ils emploiads en general cuntents cun lur lavur. Ma stress e stancladad emoziunala èn per els in problem.

Biro cun 2 pults, vi dad in pult ses in um davant il computer.
Legenda: En Svizra è la glieud en general cuntenta cun lur lavur. Keystone/cr

En Svizra è la cuntentientscha cun la plazza da lavur en general auta. A questa conclusiun vegn in studi da l'uniun tetgala dals sindicats Travail.Suisse. Ils blers s'identifitgeschian fitg cun lur lavur.

Chargia da lavur è in problem

Sco ch'il studi mussa pateschan ils emploiads però adina pli fitg d'ina gronda chargia da lavur, stress e stancladad emoziunala. Ultra da quai pateschan els che pausas vegnan stritgadas u scursanidas. Ed era da la paja n’èn blers dals dumandads betg cuntents.

Promover dapli la sanadad

Blers emploiads avessan gugent che la sanadad vegniss promovida dapli. Plinavant avessan els gugent dapli pussaivladads per sa perfecziunar professiunalmain.

En la retschertga han ils emploiads valità lur cundiziuns da lavur pertutgant sanadad, motivaziun e segirezza.

RR novitads 10:00