La Svizra è in ambient per perscrutaziun da medicaments impurtant per il mund. Sche la branscha n'haja dentant betg meglier access a datas da sanadad dettia la Svizra enavos. Quai scriva la federaziun tetgala da l’industria farmaceutica Interpharma.
Digitalisaziun saja ina gronda sfida
Las datas che vegnan gudagnadas mintga di tar la tgira da malsauns hajan grond potenzial per la perscrutaziun. Las leschas per la protecziun da talas datas n'èn betg survesaivlas. Quai engrevgiescha il barat da datas. Tar la digitalisaziun da talas na saja la Svizra er betg lunsch, quai saja sa mussà durant la pandemia.
La federaziun pretenda ina strategia da digitalisaziun ed in meglier barat da datas. Il diever da quellas duai vegnir reglà cun ina nova lescha. Perquai propona ella a la Confederaziun in plan per ademplir las finamiras da la federaziun da branscha.
