L'iniziativa è vegnida inoltrada il settember 2019 a la chanzlia federala e quai cun bun 106'000 suttascripziuns valaivlas.
Lantschà l'iniziativa dal pievel ha «Sentience», in'uniun che vegn purtada da la Fondation Franz Weber, Vier Pfoten e Greenpeace. L'iniziativa survegn tranter auter sustegn da la Protecziun svizra dals animals, da l'Associaziun dals purs pitschens sco er da la Partida verds e dals Giuvens Verds.
Il Cussegl federal ed il parlament refusan l'iniziativa dal pievel. Cumpareglià cun auter pajais ha la Svizra leschas severas sch'i va per proteger animals e la Confederaziun promova models da producziun ch'èn favuraivels a l'ambient, la natira ed als animals. Quai prescriva la Constituziun federala.
Las partidas svizras han gia prendì posiziun - er durant las debattas en il parlament. Per part ston las radunanzas da delegads dentant anc decider davart las parolas.
Ils 25 da settember 2022 decida la Svizra davart trais fatschentas federalas.
Sin in clic tut davart las votaziuns dals 25 da settember.