Siglir tar il cuntegn

Header

Auto da posta sin vi stretga
Legenda: L'AutoDaPosta Svizra ha da garantir colliaziuns fin il davos chantunet da la Svizra. Keystone
cuntegn

Perdita da 50 milliuns francs Nagin basegn da sustegn statal per AutoDaPosta

L'AutoDaPosta Svizra quinta per l'onn passà da perder radund 50 milliuns francs pervi da la pandemia da corona. La perdita duai vegnir pajada cun reservas. Lezzas sajan grondas avunda, ha ditg il pledader da AutoDaPosta envers il radio SRF.

En sia sessiun d'atun ha il Parlament federal decidì da sustegnair interpresas en il traffic public cun totalmain 900 milliuns francs per perditas chaschunadas entras la pandemia. Tenor la lescha federala è quest sustegn dentant lià vid cundiziuns, tranter auter da schliar l'emprim las reservas.

Per AutoDaPosta munta quai ch'i na vegn betg ad esser neccessari da retrair sustegn finanzial dal stadi. Ils 50 milliuns francs hajan ins pudì metter da la vart durant ils davos 20 onns – gist uschè bler sco ch'il donn finanzial tras pandemia da corona il 2020 vegn stimà. Suenter sajan reservas dentant vidas. Il 2021 vegnia AutoDaPosta lura ad esser dependenta dal sustegn finanzial statal.

RTR novitads 10:00

Artitgels legids il pli savens

Scrollar a sanestra Scrollar a dretga