Sco l’Alptransit SA communitgescha sajan las lavurs vegnidas fatgas fitg exact. En l’orizontala hajan ins ina differenza da dus centimeters cumpareglià cun il plan ed en la verticala in centimeter. 600 miniers e participads al project han persequità la perfuraziun a Vezia, 400 meters davent dal portal dal sid.
La perfuraziun principala cunter nord è planisada sin l’entschatta 2016. Il december 2019 duai il tunnel da viafier dal Ceneri da 15,4 kilometers lunghezza vegnir avert.
RR novitads 14:00