Suenter che las pernottaziuns eran tschessadas l'enviern passà en las regiuns alpinas en media per 3,8%, prognostitgescha il KOF, il post da perscrutaziun da conjunctura da l'ETH a Turitg, per la stagiun da stad in augment da 0,9%. En il Grischun duain las pernottaziuns schizunt crescher per 2,5%.
Main bunas prognosas fa il KOF per la Part Sura Bernaisa ed il Vallais, nua che la tendenza mussa anc adina engiu.
Bunas prognosas fa il KOF cunzunt per las citads en Svizra. Là duajan las pernottaziuns s’augmentar per 2%. Gia durant la stagiun d'enviern èn ellas s'augmentadas per 0,7%. Tenor il KOF èn viadis en citads vegnids en general pli populars.
RR novitads 11:00
