Siglir tar il cuntegn

Header

cuntegn

Svizra Pernottaziuns stabilas en Svizra

Dal november passà fin l'avrigl ha la hotellaria svizra registrà 15,7 milliuns pernottaziuns. Quai èn 12'000 pernottaziuns dapli che l'enviern 2013/2014, communitgescha l'Uffizi federal da statistica.

Il plus svizzer da 0,1% è cunzunt d’engraziar als giasts svizzers. Las pernottaziuns dals giasts indigens èn s'augmentadas per 1,9%. Tar ils giasts da l'exteriur è da registrar in minus da 122'000 pernottaziuns (-1,4%).

Grischun cun pli grond minus

8 da las 14 regiuns turisticas han nudà damain pernottaziuns. Il Grischun ha nudà 74'000 pernottaziuns pli pauc, quai è il pli grond minus da tut las destinaziuns (-2,6%). Il mais avrigl ha il Grischun dentant nudà in plus da 11'000 pernottaziuns.

RR novitads 10:00

Artitgels legids il pli savens