Siglir tar il cuntegn

Header

cuntegn

Svizra Perscrutaders svizzers han rumì blers stipendis europeics

24 umens e 5 dunnas svizras survegnan in dals stipendis desiderads per stgaffir ina gruppa da perscrutaziun e realisar projects empermettents. Quels van da la biologia dal tscharvè sur cunvegnas da commerzi fin a la perscrutaziun da material.

Da la davosa runda dals uschenumnads «Consolidator Grants» dal cussegl da perscrutaziun europeic van en tut 573 milliuns euros a 291 perscrutaders. Quels bajegian si lur gruppas da perscrutaziun en 21 differents pajais europeics. Mintga 10avla contribuziun da promoziun va pia en Svizra.

Radund 24 milliuns a l'ETH

Il pli bler success ha gì la Scola politecnica federala da Turitg. Da 18 projects inoltrads vegnan 10 sustegnids dal ERC Consolidator Grant. Mintga stipendi vegn dotà cun radund 2,4 milliuns francs. Quai munta che l'ETH Turitg survegn en tut radund 24 milliuns francs.

Er in grond success ha gì l'Universitad da Turitg cun 5 stipendis, sco era l'universitad da Berna e l'ETH Losanna cun mintgamai 4 stipendis. Las universitads da Basilea e Genevra han survegnì mintgamai dus stipendis, e l'universitad da Friburg e la Scuola universitaria professionale della Svizzera italiana mintgamai in.

RR novitads 12:00

Artitgels legids il pli savens