Siglir tar il cuntegn

Svizra Perscrutaders svizzers ristgan da star cun mauns vits

Sch'il protocol da la Croazia na vegn betg ratifitgà fin il favrer 2017, na survegnan perscrutaders svizzers nagin sustegn dal project «Horizon 2020». Er sche lur projects da perscrutaziun vegnan selecziunads da l'ERC, il cussegl da perscrutaziun da l'UE.

In perscrutader da l’universitad da Turitg.
Legenda: In perscrutader da l’universitad da Turitg. Keystone

Perscruttaders svizzers ristgan da star cun mauns vits dal project «Horizon 2020». Bain pon els inoltrar dumondas da sustegn al cussegl da perscrutaziun da l'UE, il ERC. Sch'il protocol da la Croazia na vegn dentant betg ratifitgà fin il favrer 2017, na survegnan els nagut, perfin sche lur projects da perscrutaziun vegnan selecziunads da l'ERC.

Il 2014 aveva la cumissiun da l'UE acceptà ina associaziun parziala da la Svizra al project "Horizon 2020". Brüssel na vul dentant betg suttascriver la cunvegna, sche Berna da sia vart na suttascriva betg il protocol supplementar per extender la circulaziun libra da persunas sin la Croazia.

RR novitads 12:00