Siglir tar il cuntegn

Header

purtret da Grégoire Courtine, perscrutader
Legenda: Grégoire Courtine da l'universitad da Losanna survegn er sustegn finanzial. Keystone
cuntegn

Perscrutaziun 13 perscrutaders svizzers survegnan stipendis da l'UE

Il 2019 ha il Cussegl europeic per la perscrutaziun ERC dà ora en il rom dals «Proof of Concept Grants» 30 milliuns euros a totalmain 200 perscrutaders. Tranter quests tutgan era 13 perscrutaders svizzers. Tar quests «grants» sa tracti da stipendis da mintgamai 150'000 euros. Ils stipendis sajan part dal program da perscrutaziun da l'UE «Horizon 2020», scriva l'ERC.
Cun quests ulteriurs daners possian ils perscrutaders tschertgar pussaivladads da fatschenta, segirar lur dretgs da proprietad u sa fatschentar cun la realisaziun tecnica da lur perscrutaziuns da piunier.

Agid per paralisads

Survegnì in tal stipendi ha tranter auter Grégoire Courtine da la ETH Losanna. Grazia ad ina stimulaziun neurologica ed ina interfatscha speziala tranter tscharvè ed il magugl dal dies ha el cuntanschì, che persunas schiradas survegnan enavos ina part da lur controlla dals moviments. Uschia èsi gartegià a Courtine il 2018, che trais pazients cun blessuras dal magugl dal dies e ch'eran entras quai per gronda part paralisads, han puspè pudì muventar lur chommas. Cun agid da stimulaziuns electronicas e sustegn han els schizunt puspè pudì ir a pe.

L'atun 2018 aveva la Tagesschau rapportà:

video
Ord l'archiv: Stimulaziun electrica duai gidar persunas impedidas
Or da Tagesschau dals 31.10.2018.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga