Siglir tar il cuntegn

Header

cuntegn

Svizra Persecuziun penala pervi da spiunascha

En l'affera da spiunascha cun la Russia ha il Cussegl federal dà glisch verda a la Procura publica federala d'avrir ina persecuziun penala pervi da servetsch da spiunadi politic. En il visier èn dus agents russ che vulevan spiunar ora il Labor Spiez.

La Procura publica federala dastga avrir ina procedura penala cunter plirs burgais russ che vegnan suspectads d'avair spiunà en Svizra. Il Departament federal da giustia e polizia ha suenter consultaziun dal Departament da l'exteriur surdà la permissiun.

Concret vai per dus spiuns russ ch'èn vegnids arrestads la primavaira en l'Ollanda. Els duain esser stads sin via tar il Labor Spiez. Il labor aveva l'incumbensa dad analisar emprovas en connex cun la tissientada da l'agent russ Sergej Skripal e sia figlia en l'Engalterra.

Gia il 2017 aveva la Procura publica federala instradà ina persecuziun penala cunter quels dus pervi dad in'attatga da hackers sin l'Agentura mundiala cunter doping a Losanna.

RR novitads 18:00

Artitgels legids il pli savens