Siglir tar il cuntegn

Header

cuntegn

Persecuziun penala Tramess purtrets da penis – passa 1'000 denunzias

Sur in generatur online èn sa rimnadas entaifer be in mais passa 1'000 denunzias pervi da mulesta sexuala entaifer purtrets da penis. Cun il formular online sviluppà da l'uniun «Netzcourage», pon dunnas emplenir la denunzia en be ina minuta.

Durant l'emprim mais en funcziun èn vegnidas inoltradas 1'178 denunzias, ha communitgà la manadra da fatschenta da Netzcourage, Jolanda Spiess-Hegglin sin Twitter. Quai mussia quant impurtant che quest generatur saja.

purtret da Jolanda Spiess-Hegglin
Legenda: Keystone

Las bleras denunzias hai dà dal chantun Turitg, numnadamain 211. Sco segund è suandà il Vad cun 197 denunzias e lura Basilea-Citad cun 89.

Dentant n’èsi betg cler, en quants cas ch’i ha la finala vairamain dà ina denunzia tar la polizia. La denunzia-online sto numnadamain vegnir squitschada, suttascritta ed inoltrada a la procura publica ch’è mintgamai responsabla en il chantun.

L'uniun «Netzcourage»

Avrir la boxSerrar la box

L'uniun «Netzcourage» vul gidar dunnas che survegnan tramess online purtrets da penis, senza dumandar. Tgi che trametta senza dumandar tals purtrets, sa fetschia chastiabel entras pornografia, declera l'organisaziun. Unfrendas da tala mulesta sexuala, pon chargiar si il material sin la pagina da www.netzpigcock.ch ed uschia denunziar la persuna che ha tramess il purtret.

Tar la conferenza da procuraturs publics svizzers (SSK) dal mars, hai gì num che nagin tool cumparegliabel saja fin uss enconuschent. Ins possia parter dal fatg ch'ina annunzia da quest generatur saja dentant valaivla e possia vegnir acceptada. Il tool paria da garantir che las datas necessarias sajan avant maun. En il singul cas, stoppia la procura publica dal chantun pertutgà elavurar il cas.

RTR novitads 06:00

Artitgels legids il pli savens

Scrollar a sanestra Scrollar a dretga