Siglir tar il cuntegn
Inhalt

Svizra Perspectivas per martgà da lavur restan bunas

L'economia privata en Svizra vul er en il quart quartal stgaffir plazzas da lavur supplementaras. Quai resorta da l'indicatur d'occupaziun dal post da perscrutaziun KOF.

plazzal.
Legenda: Surtut l'industria da construcziun sco er en il sectur da sanadad e socialesser pudessan stgaffir proximamain plazzas da lavur supplementaras. Keystone

L'indicatur d'occupaziun l'Institut da perscrutaziun da conjunctura (KOF) da la ETH che lubescha ina valitaziun dal svilup sin il martgà da lavur, notescha per il quart quartal in plus da 5,1 puncts. Quai è mo lev sut il livel dal quartal avant (+5,8 puncts). Però er cun il plus actual saja il svilup fitg positiv, scriva il KOF.

L'enquista dal KOF tar interpresas svizras mussa, che diversas branschas pon sperar sin in svilup che lubescha da stgaffir novas plazzas da lavur. Quai pertutga surtut l'industria, las interpresas da construcziun ed il commerzi a l'engrossa. Però er per ils secturs d'informatica, da communicaziun sco er da sanadad e socialesser pudess la situaziun da persunal sa sviluppar a moda positiva.

RR novitads 11:00