Perspectivas turblas per il commerzi en detagl

Al tschiel da l'industria svizra è la situaziun sa meglierada il fanadur per las interpresas pitschnas e mesaunas. Turbel resti però per ils ils pitschens detaglists ed il turissem.

vista en ina stizun Bild in Lightbox öffnen.

Legenda da maletgs: Il commerzi en detagl è sa sminuì il fanadur. Keystone

Las interpresas pitschnas e mesaunas (IPM)en l'industria èn anc levamain sut la media da plirs onns. Quai resulta dal barometer per las IPM da la banca UBS. Las interpresas grondas èn stgars sur la media da plirs onns.

Tar ils detaglists è la situaziun sa pigiurada vinavant ils ultims mais. En spezial las IPM patteschan dal ferm franc e da la dinamica economica tschessanta. Il commerzi en detagl svizzer ha fatg il fanadur 2,6% damain svieuta cumpareglià cun la medema perioda da l'onn avant. Questa tendenza duria dapi il schaner dal 2015. Quai scriva l'Uffizi federal da statistica. Cunzunt il sectur cun betg-mangiativas ha registrà marcantamain damain svieuta.
En il turissem n'è anc adina betg en vista ina glisch a la fin dal tunnel. Independent da la grondezza da l'interpresa èn las svieutas ed ils gudogns sa reducids il terz quartal.

RR novitads 10:00