Siglir tar il cuntegn

Header

Legenda: Cumpatibilitad da famiglia e professiun: la commembra dal parlament europeic Hanne Dahl cun ses pop durant la lavur.
cuntegn

Persunal chantun Lucerna Adina 16 emnas congedi da maternitad per persunal dal chantun

Per far pli attractiva la plazza da lavur tar il chantun da Lucerna, duain mammas avair il dretg sin 16 emnas congedi da maternitad en mintga cas.

Recrutar nov persunal per l'administraziun saja ina sfida, communitgescha la chanzlia dal chantun Lucerna. Perquai vul ins porscher davent da proxim onn meglras cundiziuns da lavur per mammas.

Sche impiegadas dal chantan mancan gia durant lur gravidanza, lura na quinta quai da nov betg pli tar il congedi da maternitad. Uschia pon ellas mancar suenter avair parturì en mintga cas 16 emnas, pia per la durada dal congedi da maternitad cumplain.

Tenor la lescha Svizra ha mintga mamma il dretg d'avair 14 emnas congedi da maternitad suenter la naschientscha. Per dunnas cun tscherts contracts collectivs da lavur u impiegadas da la Confederaziun e da tscherts chantuns (tranter auter er Lucerna) datti la pussaivladad d'obtegnair duas emnas supplementaras da congedi avant la naschientscha. Nov fa il chantun da Lucerna ussa anc in pass è dat questas 16 emnas adina suenter la naschientscha.

L'impuls per la midada ha cussegliera dal chantun Melanie Setz Isenegger (PS) dà cun in postulat.

audio
Per tadlar: las novitads da las 12:00
ord RTR Audio dals 28.11.2022.
laschar ir. Durada: 4 minutas 42 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga