Siglir tar il cuntegn

Header

cuntegn

Svizra Persunas malsaunas duajan pajar dapli dals custs da medis

Il Cussegl dals chantuns vul che persunas malsaunas pajan en l'avegnir dapli per ils custs da medis. Uschia ha el approvà ina moziun ord retschas da la PCD che vul augmentar las franschisas las pli bassas da las cassas da malsaunas.

En general duajan las franschisas vegnir adattadas regularmain al svilup dals custs da las assicuranzas da malsauns surtut la franschisa la pli bassa da 300 francs. Per che la cassa da malsauns restia pajabla stoppia era l’atgna responsabladad vegnir rinforzada, ha ì giu num en il Cussegl dals chantuns.

Uss va la fatschenta en il Cussegl naziunal. Sche lez approvescha uss medemamain questa moziun alura vegn il Cussegl federal incumbensa d’adattar la lescha d’assicuranzas da cassas da malsauns.

Tar tractaments ambulants duai esser pussaivel d’eleger il medi

Per tractaments ambulants duain assicurads pudair eleger lur medi libramain, senza ch'i resultia ordlonder dischavantatgs finanzials. Il parlament ha eliminà la davosa differenza ed uschia mess sut tetg la lescha da cassa da malsauns revedida. La fatschenta è pronta per la votaziun finala.

RR novitads 11:00

Artitgels legids il pli savens