La Svizra ha decis sancziuns pli restrictivas cunter l'industria da dronas iranaisa, quai en connex cun la guerra en l'Ucraina. Il Cussegl federal ha decis da surpigliar las sancziuns che l'Uniun europeica ha decis il fanadur. Quellas valan davent dad immediat.
Da nov è scumandada la vendita, la furniziun, l'export ed il transit da cumponentas che vegnian utilisadas per la producziun da dronas, ha communitgà il Departament federal d'affars exteriurs. Previdas èn era sancziuns da finanzas e viadi cunter persunas ed organisaziuns che han in connex cun il program da dronas iranais.