Pervi da la guerra - Uniun sindicala pretenda mesiras immediatas per l'economia

L’Uniun sindicala svizra pretenda dal Cussegl federal mesiras immediatas per sustegnair l’economia en vista a la guerra en l’Ucraina. Uschiglio saja da quintar cun dapli persunas senza lavur. Er saja necessari d’augmentar la capacitad da cumpra dals consuments. Tenor la «SonntagsZeitung» vul l’uniun scriver ina brev a tuts cussegliers federals per far attent al problem. Per evitar relaschadas en la branscha turistica, aviatica e d’export duaja il Cussegl federal prolungar la lavur reducida simplifitgada enfin il zercladur. Quella scada numnadamain la fin da quest mais.