Il pli marcant èn las expensas sa reducidas per mangliar en l'ustria, consumaziuns en cafès e bars ed era pli pauc ha la populaziun svizra dà ora per recreaziun, cultura e hotels.
Da 539 sin 222 francs per mais
Ils davos onns ha ina chasada dà ora en media 539 francs per mais per consumaziuns en ustarias e hotels. Per cumparegliar: Il segund quartal 2020 han las chasadas dà ora radund 222 francs per mais. Pia pli pauc che la mesadad. Las cifras da l'Uffizi federal da statistica mussan era secturs da la vita che n'èn betg vegnids influenzads da la pandemia quai che pertutga las expensas. Tar quels tutgan per exempel abitar ed energia ed era la telecommunicaziun.
Consum da mangiativas bler pli aut
En il segund quartal 2020 era il consum da mangiativas e da bavrondas senza alcohol bler pli aut che l'onn avant. En quest quartal è vegnì dà ora en media 693 francs per mais. Quai èn 78 francs dapli che l'onn avant. Oravant tut las expensas per latg, chatschiel ed ovs èn creschidas (100 francs, avant 86 francs) e verdura (96 francs, avant 78 francs).