A l'inscunter tranter il cusseglier federal Alain Berset e represchentants d'ospitals, chantuns sco era assicuranzas, valia da definir proxim glindesdi, co questas perditas duain vegnir cumpensadas, ha communitgà H+. Da quai dependia la segirezza da provediment da sanadad, betg sco ultim er en vista ad ina segunda unda.
Il Cussegl federal aveva scumandà ils 13 da mars 2020 da tgirar cas, ch'è n'èn betg urgents, quai per ch'i sajan a disposiziun avunda persunal ed avunda infrastructura per tractar ils pazients da corona.
Durant il lockdown la primavaira han ils ospitals be dastgà far tractaments urgents. Suenter il lockdown n’haja la glieud – encunter las spetgas – betg prendì suenter termins ed operaziuns.