Svizra - Pervi da tractaments ambulants: las premias creschan marcantamain
Ils emprims trais mais da quest onn han ils abitants svizzers dà ora bunamain 8 milliardas francs per la sanadad, bunamain 4% dapli che durant l'emprim quartal 2015. Quai mussan las pli novas cifras da santésuisse (la federaziun svizra da las cassas da malsauns) ch'èn enconuschentas al radio SRF.
Uschia vegnan a s'augmentar d'atun las premias per las cassas da malsauns, quai che vegn a far mal il venter als assicurads. Per quant n'è dentant anc betg cler. S'augmentads èn ils custs en spezial tar ils tractaments ambulants. Ils custs per tals tractament s'augmentian surproporziunalmain.
