Siglir tar il cuntegn

Header

cuntegn

Pervia da la pandemia Prestaziuns socialas creschan per 11% il 2020

En Svizra èn las prestaziuns socialas creschidas marcantamain il 2020. Cun passa 200 milliardas francs èn quellas creschidas per 11% cumpareglià cun l'onn avant. Quai scriva l'Uffizi federal da statistica.

Il motiv per l’augment saja surtut la pandemia. La gronda part dals daners è ida en la cumpensaziun per lavur curta e la cumpensaziun dal gudogn. Pervia da las mesiras da protecziun statalas na pudevan blers affars insumma betg u mo a moda reducida lavurar. Er il sectur da vegliadetgna e da la sanadad haja chaschunà custs pli auts. L'uffizi federal discurra dad in argument istoric. I saja il pli grond dapi il 1990.

Er en ils pajais vischins haja dà in augment da las prestaziuns socialas pervia da la pandemia. En Germania èn las prestaziuns s'augmentadas per 6%, en Frantscha per 4% ed en Italia ed Austria per 9%. En il pajais Malta sajan las prestaziuns perfin s'augmentadas per 26,8%.

audio
Per tadlar curt e cumpact
ord RTR Audio dals 14.02.2022.
laschar ir. Durada: 1 minuta 7 Secundas.

RTR novitads 11:00

Artitgels legids il pli savens